Team Sir Benfro
Yn byw yn Sir Benfro? Mae angen eich help arnom ni.
TEAM Sir Benfro
Mae NTW TEAM wedi cychwyn ar ei brosiect mwyaf hyd yma – un a fydd yn cynnwys cymunedau Sir Benfro a Wrecsam mewn rhaglen unigryw o ymrymuso, arweinyddiaeth, gweithredu creadigol ac ymwneud dwys hir-dymor a fydd yn esgor ar gynhyrchiad ar raddfa fawr yn y naill leoliad a’r llall.
Rydym nawr yn falch o gyhoeddi mai’r thema a ddewiswyd yw Newid Hinsawdd a’r Amgylchedd.
Darllenwch ragor ynghylch y stori hyd yma, yr amserlen o hyn ymlaen a sut y medrwch chi fod yn rhan o’r fenter…
Darganfod Mwy
Yn ystod 2019 byddwch yn curadu cyfres o ddigwyddiadau o amgylch y pwnc hwn, a byddem wrth ein bodd yn eich gweld chi yno! Cadwch lygad allan am gyhoeddiadau neu cysylltwch â ni team@nationaltheatrewales.org
Ddim yn aelod o TEAM eto? Dim problem, mae ymuno â hawdd – dilynwch
Cefndir
Ym mis Chwefror 2018,derbyniodd TEAM National Theatre Wales grant o £400,000 gan y Paul Hamlyn Foundation (PHF), un o arianwyr annibynnol mwyaf y DU, er mwyn cefnogi dau brosiect pedair blynedd o hyd; y naill yn Sir Benfro a’r llall yn Wrecsam.
Bydd y naill brosiect a’r llall yn dod i ben gyda sioe NTW – yn Sir Benfro yn 2020 ac yn Wrecsam yn 2021 – a byddant wedi eu creu mewn cydweithrediad clós â’r gymuned.
Medrwch ddarllen rhagor ynghylch prosiect TEAM Wrecsam yma.
Paul Hamlyn Foundation
Sefydlwyd Paul Hamlyn Foundation gan Paul Hamlyn ym 1987. Adeg ei farwolaeth yn 2001, gadawodd y rhan fwyaf o’i ystâd i’r Sefydliad, gan greu un o’r sefydliadau rhoi grantiau annibynnol mwyaf yn y DU. Nod y sefydliad yw cynorthwyo pobl i oresgyn anfantais a diffyg cyfleoedd, fel bod modd iddynt gyflawni eu potensial a mwynhau bywydau creadigol a llawn. Mae gan PHF ddiddordeb arbennig mewn cefnogi pobl ifanc ac â chred gref ym mhwysigrwydd y celfyddydau.
Yr hanes hyd yma?
Dyma rhai o uchafbwyntiau prosiect TEAM Sir Benfro hyd yma (ac isod mae na oriel o luniau a deunydd fideo o’r digwyddiadau rheini). Er mwyn dod i wybod rhagor ynghylch y digwyddiadau hyn, mynnwch gip ar dudalen Grŵp NTW TEAM o fewn ein cymuned ar-lein yma.
Ebrill 2018
Parti lawnsio yng Nghaffi Pura, Dinbych y Pysgod
Yn cynnwys perfformiadau gan y beirdd-ddramodwyr Louise Wallwein MBE ac Ali Goolyad, cyflwyniad gan y chwedl leol Molara Awen ac adloniant oddi wrth y cerddorion o Sir Benfro Lucy Jones a Gethin John ynghyd â’r gwych Tomos Lewis.
Mai 2018
Gŵyl y Môr yn Freshwater West
Roedd Gŵyl y Môr Bwyd Traeth Sir Benfro yn Fferm Gupton, gerllaw traeth y gorllewin yn Freshwater West, yn fan perffaith i ledu’r gair ynghylch ein prosiect. Gan weithio gyda disgyblion o Ganolfan Ddysgu Sir Benfro mewn cydweithrediad â’r Surfers Against Sewage, fe wnaethom ni greu cit drymio allan o blastig a gwastraff arall a oedd wedi eu golchi lan ar draethau Sir Benfro. Yn yr ŵyl bu’r rhyfeddol Nii Okai Tagoe yn perfformio ar y cit er mwyn darparu cyfeiliant i’r canwr Molara Awen gynt o’r Zion Train singer a’r cerddor o Sir Benfro Ben Mason.
Gorffennaf 2018
Gweithdy barddoniaeth yn Ysgol Greenhill, Dinbych y Pysgod
Arweiniodd y bardd a’r dramodydd Louise Wallwein MBE, awdur Tide Whisperer weithdy barddoniaeth yn Ysgol Greenhill ac ar Draeth y De. Roedd Louise wedi bod yn wirfoddolwr yng Ngwlad Groeg ar anterth yr argyfwng ffoaduriaid, ac yn cofio’r effaith y cafodd gêm o bel-droed ar y traeth o ran dwyn plant lleol Gwlad Groeg a’r ffoaduriaid o blant ynghyd. Fe wnaeth disgyblion Greenhill fwynhau ail-greu’r atgof hwn ar gyfer Louise gan fynd ymlaen i ail-greu’r olygfa fel rhan o Tide Whisperer.
Awst 2018
Noson meic agored gyda Span Arts yng Ngwesty’r Druidstone, Hwlffordd
Noson o ddathlu’r doniau rhyfeddol sydd i’w cael yn Sir Benfro; o’r gitarydd sy’n syrffio i harmonïau coeth, o ddigrifwyr i glowniau, o feirdd i ddisgleirdeb wrth berfformio.
Medi 2018
Côr TEAM Tide Whisperer
Fel rhan o Tide Whisperer NTW, a lwyfannwyd ar strydoedd a glan môr Dinbych y Pysgod, roedd galw am gôr cymunedol. Llwyddodd Cydymaith TEAM Sir Benfro y llynedd, ddwyn ynghyd gyfranwyr o bob rhan o’r sir er mwyn llunio côr persain a fu’n rhan creiddiol o’r sioe. Mae’r côr yn parhau i fynd o nerth i nerth…
Medi 2018
Sesiwn gymdeithasol Tide Whisperer TEAM
Daeth dros 200 o bobl o bob cwr o Sir Benfro draw i Ddinbych y Pysgod er mwyn cael gweld Tide Whisperer am y tro cyntaf. Ar ôl y sioe, gwahoddwyd y cynulleidfa i wrando ar gerddoriaeth fyw yn y Sand Bar yn Ninbych y Pysgod gan fwynhau gweld arddangosfa ffotograffig, trwy garedigrwydd Amnesty International, o’r enw I Welcome.
Tachwedd 2018
Parti Perfformio, Haverhub, Hwlffordd
Noson o berfformio, trafod, bwyd, diod a llawer llawer mwy, er mwyn nodi diwedd blwyddyn gyntaf ein rhaglen bedair blynedd o hyd yn Sir Benfro. Yn y digwyddiad hwn y penderfynodd y trigolion lleol ar thema Newid Hinsawdd ar gyfer y cynhyrchiad terfynol.
Ebrill 2019
Gweithdy Point, Abergwaun
Nod prosiect Point oedd gweithio gyda phobl ifanc Canolfan Ieuenctid Point yn Abergwaun. Gan weithio gyda’r artist lleol, Pip Lewis, creodd y plant fygydau pen pysgod a’u gwisgo drwy Abergwaun i ardal a adwaenir fel y Cannons, yn edrych dros y Dref Isaf (lle y ffilmiwyd Under Milk Wood yn wreiddiol), er mwyn cael tynnu’u lluniau. Drwy gydol y broses, llwyddwyd i greu sgyrsiau am eu hamgylchedd a’r unigedd cymdeithasol y maent yn ei wynebu yn byw mewn tref wledig.
Mai 2019
Gŵyl y Môr yn Freshwater West
Cawsom ein gwahodd i berfformio yng Ngŵyl y Môr, gŵyl y parciau cenedlaethol sy’n dathlu’r môr. Yr oedd yn teimlo’n addas y dylem berfformio stori Cantre’r Gwaelod. Gan ddefnyddio cymysgedd o slapstic, clownio, adrodd straeon a cherddoriaeth, creon ni ddarn yn gweithio gyda pherfformwyr lleol i’w berfformio i gynulleidfaoedd o bob oed. Drwy gydol y perfformiad roeddem yn gallu ymgysylltu â’r gynulleidfa a dod â’r plant i fyny ar y llwyfan i fod yn rhan ohono fel y môr byrlymus.
Gorffennaf 2019
Noson meic agored gyda Span Arts yng Ngwesty’r Druidstone, Hwlffordd
Cawsom noson wych yng Ngwesty’r Druidstone ar 4 Gorffennaf ar gyfer noson Mic Agored NTW TEAM gyda Span Arts. Amrywiaeth mor eang o berfformwyr dawnus, i gyd yn dathlu’r amgylchedd a machlud perffaith ar ben y cyfan hefyd! Diolch yn fawr iawn i bawb a gymerodd ran a ddiolch enfawr i Jack Abbott am y fideo gwych hefyd.
Medi 2019
I ddathlu statws Skrinkle fel un o’r safleoedd syllu gorau yng Nghymru, am brynhawn o adrodd straeon gyda Phil Okwedy ac arddangosfa o Astroffotograffiaeth Wayne Boucher.
Roedd noson gomedi NTW TEAM yn The Meadow yn Nhyddewi ei guradu gan aelod TEAM Panel Angharad Tudor-Price. Noson anhygoel oedd hyn o gomedi gan ddigrifwyr lleol, Angharad Scourfield, Fire Donkey Productions, Owain Roach a Clare Ferguson-Walker yn cefnogi Maint Cymru!
Roeddem yn falch iawn o allu cynnal sgwrs ar gelfyddyd gyfranogol yn Peppers, Abergwaun, gyda’r artist, awdur ac ymgynghorydd cymunedol enwog, François Matarasso.
Tachwedd 2019
Sesiwn rhannu syniadau yn The Hope Inn ym Mhenfro
Sesiwn rhannu syniadau roedd hwn yn gyfle i’r gymuned leol rannu’r hyn maen nhw ei eisiau gan TEAM a darganfod sut i gymryd rhan. Y prynhawn yn cynnwys ffilmiau amgylcheddol ac adloniant o beirdd, cerddorion ac artistiaid lleol.
TEAM Exchange yn Y Gegin, Doc Penfro
Roedd TEAM Exchange yn Y Gegin yn noson i’w chofio! I gyd-fynd â lansiad Go Tell the Bees, cynhaliom barti ar gyfer pobl greadigol, ar gyfer y rhai sy’n gweithio yn y sector amgylcheddol ac ar gyfer unrhyw un sydd â diddordeb mewn cymryd rhan mewn gweithgaredd TEAM.
Llinell amser y prosiect
Dyma sydd ar y gweill nesaf ym Mhrosiect TEAM Sir Benfro nesaf …
Dewch i gymryd rhan
Os oes gennych chi syniadau creadigol ynghylch TEAM Sir Benfro, yn arbennig o ran thema Newid Hinsawdd a sut y gallai’r cynhyrchiad terfynol ei drafod, byddem wrth ein boddau cael eu clywed. Dechreuwch feddwl ynghylch eich traethau, y môr, coed, y sêr, ac yna cysylltwch â ni trwy e-bostio team@nationaltheatrewales.org
Ac wrth gwrs, pe hoffech chi fod yn rhan o’r fenter byddem wrth ein bodd yn cael sgwrs â chi. Cadwch eich llygaid ar agor am gyhoeddiadau pellach…
● Ar y tudalennau gwe yma
● Ar Twitter (#ntwTEAM, ac oddi wrth ein Swyddog Cyswllt TEAM Sir Benfro @FernL_NTW)
● A Grŵp TEAM ar ein cymuned ar-lein yma
Ddim eto’n aelod o TEAM? Dim problem. Mae ymuno yn rhad ac am ddim, yn rhwydd ac yn cymryd munudau’n unig – Cliciwch yma.
