FOR MOUNTAIN, SAND & SEA

Ynglŷn â’r sioe

Mehefin 2010 / Yn y Bermo

FOR MOUNTAIN, SAND & SEA

Mae gweithiau Marc Rees yn adnabyddus am eu dehongliadau o hanes, diwylliant a phrofiad personol sy’n lliwgar, digrifol ac, yn aml, yn eithafol. Enillodd gais Cymru ar gyfer prosiect Olympiad Diwylliannol Llundain 2012 ‘Artists Taking the Lead’ gyda’i waith Adain Avion, pan oedd wedi cludo corff awyren DC9 ar draws Cymru fel gofod celf teithiol.

Dilynodd For Mountain, Sand & Sea yn ôl troed gwibdeithwyr Oes Victoria a oedd yn arfer ymweld ag arfordir Cymru yn ystod misoedd yr haf. Wedi’u rhannu’n ddau grŵp, byddai un yn archwilio’r mynyddoedd tra byddai’r llall yn mynd i’r arfordir. Yn ‘For Mountain, Sand & Sea’, roedd National Theatre Wales yn gwahodd y gynulleidfa i fod yn wibdeithwyr am y dydd, ac archwilio hanes cudd y Bermo. Roedd artistiaid o bedwar ban byd, ynghyd ag o’r gymuned leol, yn gwneud ‘For Mountain, Sand & Sea’ yn ddigwyddiad roedd rhaid ei weld.