Go Tell the Bees
Mae Go Tell the Bees yn gynhyrchiad safle-benodol wedi’i gyd-greu, sy’n dathlu ein cysylltiad â’r byd yr ydym yn byw ynddo, a’r gymuned o’n cwmpas.
Ynglyn â'r Sioe
Sir Benfro
Go Tell the Bees
National Theatre Wales
Go Tell the Bees
Sir Benfro
12 – 13 Medi 2020
Gavin Porter, Naomi Chiffi, Almir Koldzic & Julia Thomas.
Cyd-Grëwyr
Mae Go Tell the Bees yn gynhyrchiad safle-benodol wedi’i gyd-greu, sy’n dathlu ein cysylltiad â’r byd yr ydym yn byw ynddo, a’r gymuned o’n cwmpas.
Drwy ddwyn ynghyd arbenigedd ein rhwydwaith cyfan, a gwybodaeth pobl leol, mae’r gymuned wedi dewis archwilio themâu’r Amgylchedd, Natur a’r Hinsawdd.
Dyma brosiect mwyaf NTW TEAM hyd yn hyn, wedi’i ddatblygu dros bedair blynedd gan ddefnyddio ein model unigryw o gydweithio â chymunedau yng Nghymru a thu hwnt.
Ymunwch â ni i ddathlu TEAM, a phopeth y mae wedi’i gyflawni yn ystod y degawd diwethaf
Cyhoeddir rhagor o wybodaeth yn 2020.
Cael gwybod rhagor a chymryd rhan
Mae TEAM wedi’i ariannu gan Sefydliad Paul Hamlyn ers ei sefydlu yn 2010.
Naomi Chiffi
Mae Naomi Chiffi yn Gydlynydd TEAM yn National Theatre Wales, ar ôl ymuno â’r cwmni yn 2015 fel Cynorthwyydd Addysg TEAM. Mae Naomi yn angerddol am weithio gyda phobl ifanc i helpu datblygu artistiaid y dyfodol ac am ddarparu cyfleoedd creadigol o fewn cymunedau ledled Cymru a thu hwnt.
“Rwyf wedi bod yn rhan o NTW TEAM ers 2010 sydd wedi rhoi amryw o gyfleoedd i mi ddod yn rhan o waith NTW. Ers gadael addysgu, rwyf wedi bod wrth fy modd yn cymryd mwy o ran ym myd TEAM a’i raglen graidd o arweinyddiaeth, gweithredu creadigol, ymgysylltu dwys a dysgu gan gyfoedion, gweithio ar y cyd gyda grwpiau ac unigolion ledled Cymru ac yn rhyngwladol.”
Gavin Porter
Roedd Gavin Porter yn wneuthurwr ffilm ar The Soul Exchange yn ystod blwyddyn gyntaf NTW. Daeth yn gysylltiedig â TEAM a gweithiodd ar De Gabay (2013). Ef oedd Cydymaith Creadigol NTW o 2013 ac, wrth adeiladu ar waith pobl eraill, creodd y Prosiect Democratiaeth Mawr. Mae Gavin bellach yn Gydlynydd Prosiect The Agency, rhaglen entrepreneuriaeth greadigol i bobl ifanc, 15-25 oed.
Artist o Butetown, Caerdydd yw Gavin. Mae’n wneuthurwr ffilm a theatr, ac mae ei waith yn aml yn ymwneud â themâu hunaniaeth, yr hinsawdd, democratiaeth a chyfiawnder cymdeithasol.
Almir Koldzic / Julia Thomas
Treuliodd Almir Koldzic amser ar secondiad gyda NTW yn 2018 fel rhan o’i Gymrodoriaeth Clore.
Mae Almir yn Gyd-sylfaenydd a Chyd-Gyfarwyddwr Counterpoints Arts – sefydliad cenedlaethol blaenllaw ym maes y celfyddydau, ymfudo a chyfiawnder cymdeithasol. Mae ei brofiadau’n cynnwys arwain ar ddatblygu strategaeth a hunaniaeth ar gyfer Wythnos Ffoaduriaid y DU; datblygu Platforma – rhwydwaith cenedlaethol y celfyddydau a ffoaduriaid; adeiladu cyweithiau ystyrlon a hirdymor â sefydliadau celfyddydau, diwylliannol ac eirioli blaenllaw, rhyng-genedlaethol; a churadu a chynhyrchu ystod eang o ddigwyddiadau a chomisiynau yn ymwneud â dadleoli.
Mae Julia Thomas yn Gyfarwyddwr Cyswllt yn NTW. Bu’n gweithio gyda NTW fel Cyfarwyddwr sy’n dod i’r Amlwg ar A Provincial Life (2012), ac ar Iliad (2015) a oedd yn cynnwys lleoliad fel Cyfarwyddwr Preswyl yn National Theatre Studio mewn partneriaeth â NTW, a bu iddi gyfarwyddo Cotton Fingers gan Rachel Trezise (2018/2019).
Roedd Julia yn gyfarwyddwr RTYDS yn Curve, Caerlŷr ac mae’n aelod o’r Directors Lab yn y Lincoln Center Theatre yn Efrog Newydd ar ‘Making Theater in a Time of Change’. Mae ei chredydau diweddar fel cyfarwyddwr yn cynnwys: This Incredible Life (Canoe/Ffwrnes); Twelfth Night (Storyhouse); Two (Derby Theatre); Giraffes Can’t Dance, George’s Marvellous Medicine, Our Day Out, A Clockwork Orange, Burning Books (Curve).
Wayne Boucher - Gadeirydd, TEAM panel
Ymunodd Wayne Boucher â Phanel TEAM yn 2017, ar ôl gweithio fel ffotograffydd llawrydd ar y Monkton Sound Project gyda Di Ford (Cydymaith TEAM ar y pryd). Yn ystod ei ddwy flynedd ar y Panel, mae wedi gweithio ar nifer o brosiectau cymunedol gyda TEAM yn cynnwys The Creative Collaboration Project gyda Chanolfan Dysgu Sir Benfro, Fly The Flag 70 a Stories & Stars, gyda’r cwbl yn adeiladu at Go Tell The Bees.
Mae Wayne yn artist digidol, ffotograffydd, gwneuthurwr ffilmiau a chynhyrchydd cerddoriaeth sy’n byw yn Sir Benfro.
