Cassius Tillman
CYNHYRCHEDD
LIFE COACH
Ymunwch â ni i archwilio sut y gallwch chi fod yn well, drwy ein rhaglen hunan-wella bum niwrnod unigryw, sy’n cyfuno disgyblaethau tri Hyfforddwr Bywyd a hunan-ddilyswyd, i ganolbwyntio ar eich PERSONOLIAETH, FFYNIANT A LLESIANT.
Ynglyn â'r LIFE COACH
Comisiynau Digidol Newydd Network
National Theatre Wales & Theatr Genedlaethol Cymru
gyda BBC Cymru a BBC Arts
LIFE COACH
Justin Teddy Cliffe
Dechrau dydd Mawrth 19 Mai
Gwyliwch neu cymerwch ran yn fyw: Dydd Iau 21 Mai, o 7pm
Gwyliwch neu cymerwch ran yn fyw: Dydd Sadwrn 23 Mai, o 7pm
A ydych chi byth yn poeni am yr hyn sy’n eich dal yn ôl?
A ydych chi byth yn meddwl pam eich bod mor wael ym mhopeth?
A ydych chi byth yn ystyried sut y gallech chi fod yn berson llawer gwell?
Oherwydd dyna rydyn ni’n ei wneud, a gallwn ddangos sut i chi.
Mae’n amser i ddatgloi eich pŵer, a newid eich bywyd am byth.
Ymunwch â ni i archwilio sut y gallwch chi fod yn well, drwy ein rhaglen hunan-wella bum niwrnod unigryw, sy’n cyfuno disgyblaethau tri Hyfforddwr Bywyd a hunan-ddilyswyd, i ganolbwyntio ar eich PERSONOLIAETH, FFYNIANT A LLESIANT.
Rhaglen ar-lein yw LIFE COACH sy’n ceisio gwella eich iechyd, cyfoeth a hapusrwydd yn ddirfawr drwy ddiffinio popeth nad yw’n iawn gyda chi a datgelu un ‘dechneg’ amlygu hanfodol.
Y cyfan sydd ei angen arnoch yw i ddod atom gyda meddwl agored, a pharodrwydd i wneud popeth a ddywedwn.
Profiad theatr digidol ymdrochol newydd yw LIFE COACH, sy’n cynnal archwiliad coeglyd o ddiwylliant pop modern y gurus hunan-gymorth ar-lein. Wedi’i arwain gan dri hyfforddwr bywyd arbennig, fe’ch gwahoddir i gymryd rhan yn fyw dros gwrs pum niwrnod, neu gymryd eich sedd fel sylwedydd ar gyfer y gweithdy cychwynnol a’r seminar byw terfynol lle mae canlyniadau addewid y guru o hapusrwydd a gwelliant gwirioneddol am byth yn dod i’r amlwg …
Croeso i Life Coach
Barod i gymryd y camau cyntaf, unigryw at wella eich bywyd am byth?
Drwy ganolbwyntio ar eich PERSONOLIAETH, FFYNIANT A LLESIANT, mae Life Coach yn cynnig i chi yr offer emosiynol, corfforol ac ysbrydol y mae eu hangen arnoch i ddatgloi eich positifrwydd cyffredinol personol optimaidd (OPUP).
Byddwn yn rhoi mynediad unigryw i chi at ein *rhaglen* gwelliant personol ac yn cynnig persbectif i chi o lwyddiant adeiledig o safbwynt ein hyfforddwyr bywyd.
Cofrestrwch nawr a gadewch i hyn fod yn ddechrau ar weddill eich bywyd …
Y RHAGLEN
Dydd Mawrth 19 Mai & Dydd Mercher 20 Mai: Bydd cyfranogwyr y cwrs yn derbyn pecynnau croeso a chwis cofrestru
Dydd Iau 21 Mai: Cyfranogwyr y cwrs, a’r rhai sy’n dymuno arsylwi yn unig, i ymuno â seminar un-i-un unigryw, dan arweiniad un o’n tri Hyfforddwr Bywyd.
Dydd Gwener 22 Mai: Sesiynau 1-2-1 unigryw gyda’n gurus LIFE COACH.
Dydd Sadwrn 23 Mai: Seminar Rhyngwladol Byw: dadorchuddio ‘y dechneg’
Ar ôl eich sefydlu’n llwyddiannus yn y rhaglen, ar ddydd Iau 21 Mai cewch wahoddiad i ymuno â seminar byw dan arweiniad un o’n hyfforddwyr bywyd hunan-ardystiedig. Yn ystod y sesiwn hon, byddwn yn ymchwilio i’ch profiadau unigol, ac yn dechrau archwilio’r offer emosiynol, corfforol ac ysbrydol sydd eu hangen arnoch, i ddod yn fersiwn well ohonoch chi’n hun.
Ddydd Sadwrn 23 Mai, ymunwch â ni am seminar byw, lle caiff cynulleidfaoedd o bob cwr o’r byd eu gwahodd i dystio ein ddadorchuddio ‘Y Dechneg’. Paratowch i fod yn rhan o ddigwyddiad arloesol a fydd yn trawsnewid eich llesiant, eich bywyd a’ch cyfoeth.
Mae ‘Y Dechneg’ yn fwyaf effeithiol os byddwch yn cymryd pob cam gyda’n canllawiau gofalus, ymarferol.
Fodd bynnag, gallwch ddewis arsylwi’r eiliadau olaf yn unig, gan gael blas ar y broses sy’n newid bywydau.
Mae'r rhaglen LIFE COACH wedi dechrau
Mae’r rhaglen LIFE COACH wedi dechrau.
Os na wnaethoch y dewis cywir i gofrestru, yr ydych yn awr yn wyliwr ac mae’n rhaid i chi fodloni ar gael blas yn unig ar y rhaglen.
Creative Team
Justin Teddy Cliffe
Cysyniad gwreiddiol / Cyfarwyddwr
Harriet Chomley, Justin Teddy Cliffe and Richard McIver
Awduron
Alex Bidhendy for Viper Drive
Cerddoriaeth
Justin Teddy Cliffe and Dom Farelli
Graffeg
Yr hyn i'w ddisgwyl
Profiad theatr digidol ymdrochol a grëwyd gan Justin Teddy Cliffe yw Life Coach, ac mae’n cael ei gyflwyno fel rhan o’n rhaglen Comisiynau Digidol Newydd Network.
Byddwn yn postio lincs i weld y perfformiad byw yma ac ar draws ein sianeli cyfryngau cymdeithasol.
Gwyliwch neu cymerwch ran yn fyw:
Nos Iau 21 Mai am 7pm, 7.30pm ac 8pm
Dydd Sadwrn 23 Mai am 7pm
Bydd y seminarau yn cael eu darlledu’n fyw ar sianel AM National Theatre Wales
Os ydych yn dewis cofrestru a chymryd rhan, rydych yn cytuno i gael eich ffilmio a’ch recordio i’w defnyddio yn y seminarau byw canlynol, ac i’w defnyddio yn y dyfodol. Bydd y ‘seminarau’ yn cael eu ffrydio’n fyw, ac ar gael ar alw.
Yn dilyn y seminar nos Iau, bydd nifer cyfyngedig o gyfranogwyr yn cael eu dewis ar hap a’u gwahodd i gymryd rhan mewn sesiwn 1-2-1 gyda’u Hyfforddwr Bywyd dynodedig.
Gallwch ddewis peidio â chymryd rhan ar unrhyw adeg, dim ond i chi sôn.
Bydd lleoedd ar y rhaglen yn cael eu dyrannu ar hap.
Cwestiynau, neu heb fod yn dymuno cymryd rhan mwyach? Cysylltwch â boxoffice@nationaltheatrewales.org
