No Petrol for 12 Miles
I ddatgelu ac ymchwilio ymhellach i fyd On Bear Ridge, mae National Theatre Wales gyda’i awdur a’i gyd-gyfarwyddwr Ed Thomas, wedi creu cyfres o osodweithiau safle-benodol yn yr awyr agored.
Ynglŷn â'r Safle
Penwyllt, Cymru
No Petrol for 12 Miles
No Petrol for 12 Miles
National Theatre Wales
Rhwng 30 Awst – 13 Hydref 2019
Penwyllt, Cymru
Crëwyd gan Ed Thomas
Mae amser yn pasio, mae eira’n disgyn
Mae’r gwynt yn chwythu, a’r haul yn disgleirio
Beth sydd wedi digwydd yma?
Rhyfel? Troi allan? Difodiant?
Beth sydd ar ôl yn y dirwedd hynafol hon o graig a charreg?
O wlân defaid a chen yn hongian ar wifren rydlyd?
Beth yw’r cliwiau?
Beth sydd i’w ddarganfod?
Ai hwn yw Y Lle Olaf?
Ed Thomas, Mehefin 2019
I ddatgelu ac ymchwilio ymhellach i fyd On Bear Ridge, mae National Theatre Wales gyda’i awdur a’i gyd-gyfarwyddwr Ed Thomas, wedi creu cyfres o osodweithiau safle-benodol yn yr awyr agored.
Bydd y gosodweithiau hyn, ger Penwyllt, sy’n agos at gartref plentyndod Thomas, yn bodoli dros dro yn y dirwedd fel olion tameidiog o’r hyn oedd yno unwaith. Casgliad o bethau coll, synau ac atgofion aeth yn angof, yn suddo’n araf yn ôl i’r ddaear a’r graig.
Bydd y gosodwaith yn cynnig cyfle i ymwelwyr gael cipolwg ar fyd sydd wedi diflannu, gan eu galluogi i wrando’n ddigidol wrth ddrws a chlywed lleisiau’n sibrwd, hanner gwirioneddau a straeon anorffenedig o ffordd o fyw sydd nawr wedi’i thawelu. Stori na chafodd ei hadrodd erioed. Gweithred o gofio’r anghofiadwy.
Mae’r profiad hwn yn rhydd i’w archwilio.
Bydd cynulleidfaoedd yn Theatr y Sherman, Caerdydd a’r Royal Court, Llundain hefyd yn gallu profi’r gosodwaith drwy ffilm VR fydd ar gael i’w gwylio yn y ddwy theatr gan olygu y bydd tirwedd On Bear Ridge yn hygyrch yng nghanol y dinasoedd prysur hyn.
Gyda diolch i Hoobs Properties Ltd a Natural Resources Wales.
Yr Hyn i'w Ddisgwyl
Yr Hyn i’w Ddisgwyl
Bydd y dudalen hon yn cael ei diweddaru wrth i’r gosodwaith fynd yn ei flaen, felly cofiwch edrych yn ôl cyn eich ymweliad.
Sut i gyrraedd yno
Y ffordd orau o ymweld â’r lleoliad yw mewn car. Mae parcio ar gael ar y safle, am ddim. Defnyddiwch y cyfeiriad isod, fodd bynnag rydym yn argymell dilyn arwyddion National Theatre Wales i gyrraedd yr union leoliad.
Cyfeiriad y gosodwaith:
Ogof Ffynnon Ddu,
Gwarchodfa Natur Genedlaethol (Cyfoeth Naturiol Cymru)
1-10 Stryd Powell, Abertawe SA9 1GQ
Rydym yn argymell defnyddio Penwyllt wrth chwilio gyda theclynnau llywio lloeren.
Dewch â’ch clustffonau a’ch ffôn clyfar/iPad gyda chi. Mae angen gwisgo clustffonau i brofi’r deunydd amlgyfrwng.
Gellir gweld yr holl osodweithiau o fan gwylio hygyrch ger y maes parcio, sy’n hygyrch drwy giât ar ogwydd byr. Gellir eu gweld a’u profi o bell neu’n agos. Os ydych chi’n dewis mynd i fyny’n agos, cadwch at y llwybrau gan fod y ddaear yn gallu bod yn ansefydlog.
Bydd y gosodweithiau hyn yn rhad ac am ddim i’w profi i unrhyw un sy’n ymweld â Phenwyllt rhwng 30 Awst a 13 Hydref.
Nid oes angen i chi brynu tocyn, na’ch bod wedi gweld On Bear Ridge eisoes, oherwydd er bod y gosodwaith wedi’i gysylltu’n agos â’r sioe, nid yw’n rhan o’r ddrama.
Bydd pob un o’r gosodweithiau yn cynnwys trac amlgyfrwng byr y gallwch wrando arno drwy eich ffôn clyfar.
Mae dwy ffordd o gael mynediad i’r traciau amlgyfrwng ar gyfer y profiad:
Lawrlwythwch ffeil y daith a cherddwch y daith:
Cyn ymweld â’r gosodwaith, lawrlwythwch ffeil y daith gerdded o’n gwefan. Bydd y linc yn cael ei chyhoeddi yma cyn y dyddiad agor.
Mae wifi ar gael ar y safle, fodd bynnag rydym yn argymell lawrlwytho ymlaen llaw.
Lawrlwythwch drac y daith ymlaen llaw
Cyn ymweld â’r gosodwaith, lawrlwythwch y daith o’n gwefan. Bydd y linc yn cael ei chyhoeddi yma cyn y dyddiad agor.
Mae wifi ar gael ar y safle, fodd bynnag rydym yn argymell lawrlwytho ymlaen llaw.
Darllenwch isod i gael argymhellion hygyrch.
Ynglŷn â’r Safle
Mae hwn yn safle awyr agored, di-staff, heb gysgod rhag y tywydd.
Bydd archwilio’r gosodweithiau yn cymryd tua 30 munud
Gall y tir fod yn anwastad ac, yn dibynnu ar y tywydd, gallai fod yn llithrig gan arwain at diroedd heriol.
Rydym yn argymell gwisgo esgidiau a dillad addas yn yr awyr agored, a sicrhau eich bod yn barod am dywydd garw. Dewch â dŵr gyda chi.
Nid oes toiledau na chyfleusterau arlwyo ar y safle, ond mae tref Ystradgynlais yn daith fer i ffwrdd mewn car, gyda siopau a chyfleusterau ar gael.
Nid oes staff ar y safle ar mae croeso i chi fynd a dod yn ôl eich dymuniad. Fodd bynnag, er eich diogelwch chi, ein hargymhelliad cryf yw y dylid mynd rhwng 9am a 5pm.
Bydd y gosodiad ar gau rhwng 10-11 Medi at ddibenion ffilmio. Ni fydd y gosodweithiau ar gael ar hyn yn ystod y cyfnod hwn.
Hygyrchedd
Gellir gweld yr holl osodweithiau o fan gwylio hygyrch ger y maes parcio, sy’n hygyrch drwy giât ar ogwydd byr gyda ramp arno.
Rydym yn argymell yn gryf bod y rheini sydd ag anghenion o ran mynediad yn ymweld â’r gosodwaith ar ddydd Sadwrn, rhwng 9 a 5pm. Bydd dau aelod o staff yn bresennol yn ystod y cyfnod hwn, a byddant yn sicrhau bod pob giât ar agor a gallant helpu gyda’ch profiad.
Os ydych yn bwriadu dod ar adeg arall, byddem yn eich cynghori i gysylltu â ni cyn eich ymweliad. Bydd hyn yn ein helpu i sicrhau bod eich profiad yn cael ei gefnogi’n briodol gan ein tîm, a bod y gatiau mochyn i fynd i’r safle ar agor ar gyfer unrhyw rai sy’n defnyddio cadair olwyn.
Gellir gweld a phrofi yr holl osodweithiau o bell neu’n agos. Os ydych chi’n dewis mynd i fyny’n agos, cadwch at y llwybrau gan fod y ddaear yn gallu bod yn ansefydlog.
Yn y man gwylio, bydd cyfarwyddiadau pellach yn cael eu darparu am brofiad y gosodwaith.
Cysylltwch â Rhian Lewis ar rhianlewis@nationaltheatrewales.org /029 2035 3070, a byddwn yn eich cynorthwyo i gynllunio eich ymweliad.