ROALD DAHL’S CITY OF THE UNEXPECTED

Ynglŷn â City of the Unexpected

Medi 2016 / Caerdydd

ROALD DAHL’S CITY OF THE UNEXPECTED

Ym mis Medi 2016, mynychodd dros 120,000 o bobl y digwyddiad diwylliannol mwyaf erioed yng Nghymru, a gynhaliwyd i ddathlu canmlwyddiant Roald Dahl. Gyda dros 7,000 o bobl yn perfformio, gwneud a gwirfoddoli, roedd Roald Dahl’s City of the Unexpected yn ddathliad hollol syfrdanol o’r dyn, ei gymeriadau a’i storïau.

Daeth prifddinas Cymru – lle y cafodd Roald Dahl ei eni ar 13 Medi 1906 – yn fan lle cafodd realiti ei droi ar ei ben, a lle y gwnaeth deddfau ffiseg, rhesymeg a’r rhagweladwy ildio i hud, hwyl, dyfais a’r swreal, fel pe bai Dahl ei hun wrth y llyw.

Fe wnaeth cyfranogwyr ac aelodau’r gynulleidfa ymgolli eu hunain ym mhopeth o ddigwyddiadau ar raddfa fawr i berfformiadau bach agos atoch chi – gyda’r cwbl wedi’i gynnal ledled strydoedd a mannau cyhoeddus Caerdydd, mewn siopau ac arcedau, mewn adeiladau eiconig a pharciau.

Ewch i wefan ‘City of the Unexpected’ yma