Cardiff 1919: Riots Redrawn
Cardiff 1919: Riots Redrawn yw’r hanes cignoeth sy’n cofnodi pob dydd ac awr o derfysgoedd hil Caerdydd, wedi’i ddwyn ynghyd o adroddiadau mewn papurau newydd lleol, gan ddilyn llanw a thrai deinamig y terfysg.
Ynglyn â'r Sioe
Ar-lein & Chaerdydd
Cardiff 1919: Riots Redrawn
National Theatre Wales
Cardiff 1919: Riots Redrawn
Ar-lein & Chaerdydd
Mehefin 2020
Crëwyd gan Kyle Legall a Mike Pearson
Ar 11 Mehefin 1919, cafodd Caerdydd ei thaflu i bedwar diwrnod a nos o drais a adawodd dri o bobl yn farw ac adeiladau wedi’u dryllio a’u llosgi. Ar y pryd cyfeiriodd y Western Mail ato fel ‘An amazing orgy of pistol firing, window smashing, and skirmishes between white men and coloured men’.
Ond rydyn ni i gyd yn gwybod bod cymaint o wahanol straeon y tu ôl i’r hyn sy’n cael ei adrodd yn y newyddion.
Caerdydd 1919: Mae Riots Redrawn yn nofel graffig ddigidol gan yr artist o Butetown, Kyle Legall. Mae’n brofiad digidol atgofus sy’n cyfuno testun llafar a darlunio i greu’r awyrgylch, y bobl a’r lleoedd oedd yn rhan o foment ddychrynllyd o wrthdaro hiliol a thrais ar strydoedd Caerdydd. Wedi’i lunio o adroddiadau mewn papurau newydd lleol, mae darluniau Kyle hefyd yn tynnu ar hanesion a straeon a basiwyd i lawr drwy’r cenedlaethau o foment o drawma a adawodd farc annileadwy ar gymuned Butetown. Ynghyd â seinlun gan Chris Jenkins a throslais gan Ali Goolyad a Mike Pearson, mae’r cyfrif clir, gweledol dydd wrth ddydd, awr wrth awr hwn yn dilyn llanw a thrai y terfysgoedd, gan eich trochi yn y gwallgofrwydd dwys a ddigwyddodd ar strydoedd ein prifddinas 101 o flynyddoedd yn ôl.
Dyma brofiad digidol y gallwch ei archwilio o’ch cartref, ond y ffordd orau i’w brofi yw fel taith gerdded gorfforol drwy’r mannau lle y digwyddodd bethau. Bydd ar gael i’w lawrlwytho a’i brofi o fis Gorffennaf.
Kyle Legall
Kyle Legall oedd Artist Preswyl Cyntaf NTW yn 2015. Roedd yn Gyfarwyddwr sy’n dod i’r Amlwg ar Storm 2 a 3 (2018/2019) ac yn brif artist ar Wild Scenes at Cardiff (2019). Mae wedi bod yn aelod o Banel TEAM er 2018 ac mae wedi gweithio gyda llawer o wahanol gymunedau, artistiaid, perfformwyr ac ymarferwyr.
Mae Kyle yn artist y mae ei waith yn rhychwantu sawl genre, o graffiti, animeiddio, gwneud ffilmiau, theatr, a dylunio, i wneud ei ddillad graffiti ei hun. Mae wedi creu pedair ffilm fer 2D wedi eu hanimeiddio ar gyfer Channel 4 ac S4C. Yn 2017 gwnaeth Kyle ysgrifennu, dylunio a chyfarwyddo RATS (Rose Against The System) yng Nghanolfan Mileniwm Cymru.
Mike Pearson
Mae Mike Pearson wedi helpu i ddyfeisio a chyfarwyddo chwe chynhyrchiad gyda NTW: The Persians (2010), Coriolan/us (2012), Iliad (2015), STORM.1: Nothing Remains the Same, STORM 2: Things Come Apart (2018), Wild Scenes at Cardiff (2019).
Mae Mike yn Athro Emeritws mewn Astudiaethau Perfformio ym Mhrifysgol Aberystwyth ac yn Athro Anrhydeddus ym Mhrifysgol Caerwysg. Wedi’i hyfforddi’n wreiddiol fel archeolegydd, bu’n wneuthurwr theatr ac yn berfformiwr proffesiynol am 50 o flynyddoedd, gan weithio’n rhyngwladol, yn bennaf ym meysydd theatr gorfforol a pherfformiadau dyfeisiedig a safle-benodol. Mae’n parhau i greu perfformiadau fel artist unigol a chyda grŵp o berfformwyr hŷn Good News From The Future.
