Cyhoeddi Rhestr Hir Awdur Preswyl Cymru

Yn ystod cyfnod anodd a digynsail, bu’n bleser darllen y cyflwyniadau ar gyfer Awdur Preswyl Cymru 2020. Diolch i bawb a gymerodd ran. Roedd y safon yn uchel iawn eleni.

Ar ôl ystyried yn ofalus rydym yn falch iawn o gyhoeddi’r ugain awdur sydd wedi cyrraedd y rhestr hir a fydd nawr yn symud ymlaen i gam nesaf y fenter.

  • Anna-Lisa Jenaer
  • Brennig Hayden
  • Cameron Loxdale
  • Carol Vine
  • Carys Lewis
  • Catherine Dyson
  • Connor Allen
  • Corey Terrett
  • Faebian Averies
  • Greg Glover
  • Jon Berry
  • Katie Elin-Salt
  • Lowri Jenkins
  • Neil Williams
  • Rachel Harper
  • Rebekah Harrison
  • Rhys Edwards
  • Rhys Warrington
  • Sarah Louise Madden
  • Zia Holloway

Cyhoeddir y rhestr fer derfynol ddechrau mis Hydref gyda’r enillydd yn cael ei gyhoeddi ddechrau mis Tachwedd.

Rydym hefyd yn falch iawn o rannu’r newyddion am ein beirniad gwadd eleni, sef yr actor a’r cynhyrchydd Cymreig, Rakie Ayola, a welwyd yn fwyaf diweddar yn Anthony y BBC, Noughts and Crosses, ac On Bear Ridge National Theatre Wales.

Yn ymuno â Rakie ar y panel beirniaid fydd Cyfarwyddwr Artistig National Theatre Wales Lorne Campbell, Comisiynydd Drama BBC Radio 4 Alison Hindell, Swyddog Gweithredol Datblygu, BBC Studios Cymru Jenna Robins a Chynhyrchydd Datblygu BBC Writersroom Cymru, Helen Perry.

Mae’r cynllun pwysig hwn, sydd bellach yn ei ail flwyddyn, yn cynnig cyfle i’r awdur buddugol ddatblygu ei sgiliau ysgrifennu dros bortffolio o gyfryngau; llwyfan, sain a sgrin.

Yn ystod ei gyfnod preswyl o flwyddyn, bydd yr awdur buddugol yn derbyn dros £12,000, yn cael treulio chwe mis yn gweithio gyda’r BBC, gan gynnwys amser gyda BBC Studios, ac yna chwe mis gyda NTW. Bydd yn cael mynediad at arbenigedd a chefnogaeth y diwydiant i ddatblygu ei syniadau a’i dalent ochr yn ochr â chredyd darlledu gyda’r BBC ar ffurf comisiwn drama gyda BBC Radio 4.

Sioeau Cyfredol Arrow icon Buddsoddi ynom Ni Arrow icon
Font Resize
Contrast