Mae ein holl gyfeiriadau e-bost ar gael ar ein tudalen staff, felly os wyt ti’n gwybod â pha adran neu unigolyn rwyt ti am gysylltu, cer i’r dudalen ac anfona neges.

Os wyt ti’n artist ac yn awyddus i gwrdd â ni, rydyn ni’n cynnig sgyrsiau creadigol am ddim gyda’n tîm Datblygu Creadigol.

Os oes gen ti ddiddordeb yn ein gwaith cymunedol, cysyllta â’n tîm Cydweithio.

Oes, fe fydden ni wrth ein boddau yn clywed gennyt ti yn Gymraeg. Mae siaradwyr Cymraeg a di-Gymraeg yn y tîm, felly fe fyddwn ni wastad yn ceisio ymateb yn yr iaith rwyt ti’n dewis ei defnyddio.

Os ydych chi'n dod i gyfarfod lle hoffech chi sgwrsio gyda ni yn Gymraeg, gofynnwch a chwi a gewch.

Rydyn ni’n gofyn yn garedig i bobl beidio ag anfon sgriptiau aton ni os nad ydyn ni wedi gofyn iddyn nhw wneud hynny. Mae gennyn ni gyfleoedd fel Play On, a byddwn ni’n cyhoeddi galwadau agored am sgriptiau drwy’r cynlluniau hyn. Cadwa olwg ar ein gwefan ac ar ein cyfryngau cymdeithasol, neu cofrestra i gael ein cylchlythyr er mwyn bod ymhlith y cyntaf i glywed am y rhain.

Dydyn ni ddim yn cynnig rhaglen sefydlog o leoliadau ar hyn o bryd. Fel rhan o’n Cynllund Strategol, rydyn ni am newid hynny. Mae ein tîm yn brysur yn gweithio ar y lleoliadau, interniaethau a rhaglenni gwirfoddoli newydd fydd yn cefnogi'r rhai sydd â rhwystrau i wirfoddoli. Cadwch lygad ar agor...