Cefndir
Cefndir
Y pethau annisgwyl yw hanfod y straeon y byddwn ni’n eu hadrodd.
Rydyn ni’n creu theatr yn ei ystyr ehangaf: siwrnai sy’n ein cysylltu ni â’n gilydd ac yn ein cwestiynu. Mae’n mynnu ein sylw, yn ein pryfocio a’n procio, yn ein rhyfeddu a’n boddhau.
Rydyn ni yma i newid pethau.
Rydyn ni’n gwneud hyn drwy roi profiadau i bobl ac i lefydd. Profiadau yw’r rhain sy’n cyfoethogi ac yn ysbrydoli’r sawl sy’n eu creu a’r cynulleidfaoedd. Yn niwylliannau a chymunedau cyfoethog Cymru, mae corneli nad oes neb wedi’u cyffwrdd. Ac yn y corneli hyn, dyna lle mae ein dychymyg a’n creadigrwydd ni ar waith.
Rydyn ni’n gwmni theatr crwydrol i Gymru gyfan.
Dydyn ni ddim wedi ein clymu i un man penodol. Oherwydd hyn, rydyn ni’n chwilio am leoliadau a chyfleoedd sy’n rhoi dimensiwn cyffrous i’n gwaith. Mae hynny’n golygu bod modd cyrraedd yn bellach.
Felly, fe ddoi di o hyd inni mewn mannau annisgwyl: ar y glannau; ar lethrau mynydd; ar drên; mewn coedwig. Ac o bryd i’w gilydd, pan na fydd rhywun yn disgwyl hynny, mewn theatr, hefyd.
Y nod yw creu crychdonnau mawr sy’n cysylltu pobl ac yn ysbrydoli newid.
Rydyn ni’n caru gwneud hynny.
Y straeon a’r newyddion diweddaraf
Lleihau cost amgylcheddol y The Cost of Living
22 Mawrth 2023Fe ofynnon ni i awdur, dramatwrg, newyddiadurwr y celfyddydau ac academydd Prifysgol Caerdydd, Hari Berrow fentro tu ôl i'r llwyfan yn Grand Abertawe i…Costau byw yn dal i wasgu
14 Mawrth 2023Mae pawb yn profi prisiau’n cynyddu’n gyson a chyflogau cymharol ddi-symud. Ond, i rai, mae'r effaith yn ofnadwy. Aeth Dave a Leïla i Abertawe i siarad yn…Felly, beth nesaf? Mae'n ymwneud â newid.
7 Mawrth 2023Fe wnaethon ni gyfarfod yn ddiweddar wyneb yn wyneb ac yn rhithiol i rannu'r hyn sydd ar y gweill ar gyfer 2023. Fe wnaethon ni chwerthin, dawnsio,…